نئی دہلی،30؍اگست(ایس او نیوز؍آئی این ایس انڈیا)کانگریس کے نائب صدر راہل گاندھی ناروے میں ہیں اور وہاں ناروے سینٹرل بینک کے سربراہ سے ملاقات کی۔اس کی معلومات راہل گاندھی کے دفتر نے ٹویٹ کرکے دی ہے لیکن اس ٹویٹ میں اہم چیز راہل گاندھی کا لباس ہے جو اس تصویر میں انہوں نے پہن رکھی ہے۔عام طور پر کرتاپائجامہ میں نظرآنے والے یہاں بندگلے کا سوٹ پہن کربیٹھے ہیں۔راہل گاندھی کو عوامی اجلاسوں کے دوران اپنے رف لک کیلئے جانا جاتا ہے۔ریلیوں میں انہیں کئی بارکرتے کابازوسمیٹے ہوئے بھی دیکھاگیا ہے۔ٹی شرٹ اور جینس میں راہل گاندھی کو کئی جگہوں پر دیکھا گیا ہے لیکن اس طرح کے ایک بندگلے کے سوٹ میں شاید یہ ان کی پہلی تصویر ہے۔

کانگریس کے نائب صدر راہل گاندھی کے والد اور سابق وزیر اعظم راجیو گاندھی اس طرح کے لباس پہننے کے لئے استعمال کرتے تھے اور شاید راہل بھی ان کے نقش قدم پر چل رہے ہیں۔راہل اس کپڑے میں بالکل اپنے باپ کی طرح لگ رہے ہیں اور ان کے بیٹھنے کااندازبھی ان سے ملتانظرآرہاہے۔بتادیں کہ کانگریس کے نائب صدر راہل گاندھی ناروے کی وزارت خارجہ کی دعوت پر چند دنوں کے لئے اوسلو کے دورے پر گئے ہیں۔